Nako ye o fatišiša ebile o lebeledišiša leswa tšeo di ka emago legatong la dikaro tša hiseterekethomi le dikgetho tše dingwe tšeo di lego gona tša kalafo ya difaeporoete, go bohlokwa go kwešiša ka fao dikalafo tša go fapana di ka amago wena le mokgwaphelo wa gago. Ge eba o tšea sephetho sa go tšwela pele ka kalafo ya UFE, go ima ka moso go ka thatafala.

Mola UFE e le kalafo ya go kgona mošomo go difaeporoete tša yutherine, ga go na datha ya kgonthe goba dipoelo tša saentshe tšeo di utullago khuetšo ya UFE godimo ga go nona ga peu le boimana. Ditlamorago tšeo UFE e nago le tšona go bokgoni bja go ka ima, kgolo ya lebotlana, le bokgoni bja go rwala lebotlana go fihla go nako yeo e sego ya beiwa.

Ge eba ga o beakanye go ima ka morago ga kalafo ya UFE, netefatša gore o tšwela pele ka go šomiša mokgwataolo wa go tshepagala wa thibelapelegi go thibela boimana. Ge eba o na le matshwenyego a mangwe mabapi le UFE le go nona ga peu, hwetša setsebi sa UFE kgauswi le wena gore le ahlaahle maemo a gago a itšego, le go kgetha gore ke kgetho efe ya kalafo yeo e ka go swanelago kudu.